ONUN GÖZLƏRİ GÜLÜRDÜ

Azərbaycan Film Akademiyasının istehsalı olan “Onun Gözləri Gülürdü” romantik-dram janrında çəkilmiş yeni serialdır. Layihə həm mövzusu, həm də gənc aktyorların iştirakı ilə diqqət çəkir. Serial qısa müddətdə YouTube üzərində on minlərlə baxış toplayaraq tamaşaçının marağına səbəb olub.

Sinopsis

Şəhərli bir gənc oğlan Elşən təsadüfən kəndə gedir və orada sərt xarakterli, azad ruhlu çoban qız Nərgizlə tanış olur. Aralarındakı qarşıdurma tədricən yaxınlığa çevrilir. Amma kənd mühiti, ailə təzyiqi və ənənələrin sərhədləri onların münasibətinə mane olur. Sevgi, mübarizə və seçimlər fonunda hər iki gənc həm özünü, həm də bir-birini kəşf edir.

Serialın məqsədi müasir gənclərin sevgiyə, azadlığa və ailə dəyərlərinə baxışını ekrana gətirməkdir. Eyni zamanda kənd həyatının reallıqları, gənclərin dilemması və saf hisslərin gücü tamaşaçıya emosional bir kino təcrübəsi təqdim edir.

Yaradıcı heyət

Rejissor və ssenarist: Zaur Tahirsoy
Operator: Rza Hüseynli
Səs operatoru: Qara
Quruluşçu rəssam: Zəhra Tahirsoy
Gaffer: Elay Nadir
İşıqçı: Nərmin Əhməd

Aktyor heyəti

Fidan Cəfərova
Anar Əli
Fidan Behbudova
Çingiz Əlizadə
Tural Bünyadzadə
Murad Xan
Nicat Əkrəm
İzel Dadaşzadə

Layihənin məqsədi

“Onun Gözləri Gülürdü” Azərbaycan Film Akademiyasının aktyorluq kurslarının nəticəsi kimi ərsəyə gəlib. Serialda rol alan gənclər Akademiyada aldıqları təhsili praktik olaraq ekrana daşıyıblar. Layihə həm də göstərir ki, aktyor olmaq istəyən hər kəs üçün Akademiya real kino imkanları yaradır.

🔗 Seriala baxmaq üçün: YouTube linki

Onun Gözləri Gülürdü 1. seriya