Azərbaycanın ilk film istehsal edən internet kino portalı AZFLIX yaradılır.
Müasir insan psixologiyasının tələblərinə tam cavab verən internet kino portalları bugünün trendidir. Belə ki, Müasir insan psixologiyası diktəni sevmir. Yəni bugünün insanına televiziya nəyə və nə zaman baxacağını diktə etmək potensialını itirib. Çünki internet daha geniş və diktəsiz yelpazə açır.
Pandemiya bu prosesi daha da sürətləndirdi. Kinoteatrların bağlanması internet kinoların daha sürətli gündəmə gəlməsinə səbəb oldu.
Eyni zamanda Azflix internet kino portalının Azərbaycanda yaradılması, Azərbaycan kinosunda inqilabi dönüş yaradacaq.
Bütün bunları nəzərə alaraq, Azərbaycan Film Akademiyasının nəzdində “Azflix” adlı internet kino portalı yaradılıb. Azflix portalı http://flix.az/ saytı üzərindən yayımlanacaq.
Azflix, Azərbaycanın ilk film istehsal edən internet kino portalıdır. Dünya təcrübəsində “azflix” kimi bir çox aparıcı şirkətlər mövcuddur. Netflix beynəlxalq səviyyədə gözəl nümunədir. Türkiyədə blutv, exxen, puhutv-ni də nümunə kimi qeyd etmək olar.
Qeyd edək ki, exxen Türkiyədə Acun Ilıcalı tərəfindən təsis edilib və Türkiyədə böyük marağa səbəb olub.
Azflix ilkin mərhələdə Azərbaycan daxili daha sonrakı mərhələrdə Qafqaz və MDB ölkələrinin filmlərini portala qəbul edəcək.
English 
Azerbaijani